अन्तिम
सत्य म,
मलाई प्रश्न किन ?
स्वयं म उत्तर ।
किनकि म महामानव ।।
खोज
अनगिन्ती गरेको छु,
अनेकन सिद्धान्त स्थापित गरेको छु,
म त केवल तथ्य बोल्छु,
जुन आफैले सिर्जना गरेको छु ।
किनकि म महामानव ।।
कुनै
नसोचिएको विषय छ ?
मैले सोचिसकेको छु ।
कुनै नमिलेको समीकरण छ ?
मैले हल गरिसकेको छु ।
किनकि म महामानव ।।
असमझदारी, अराजकता अनि अन्यौलता
म
आफै ति सबैको औषधि,
सकरात्मक
सोचको प्रतिक म,
म
खानी प्रेरणाको ।
किनकि
म महामानव ।।
ऐनालाई
रूप चिन्न सिकाउने म,
म
सत्मार्गमा हिन्न सिकाउने,
शान्ति
र स्थिरताको प्रतिक म,
म विकास र सभ्यताको आधार ।
किनकि
म महामानव ।।