कल्पना, सिर्जना र भूमिकालाई
ब्लाक कफि सँगै घोलिरहने
ए यहि लोकका अलौकिक कवि
तिम्रा शब्दहरू शब्दगुच्छा हैनन
बरू शब्दहीरा हुन भनि
आधारिकता प्रदान गर्ने
अधिकार त छैन म सँग
तर जब जब तिम्रा कल्पना
सिर्जनामा परिणत हुन्छन नि
खै किन हो किन
भूमिका नबाँधिकन रहनै सक्दिन म
मलाई ज्ञात छ मेरो यो भूमिकाले
न त तिमीलाई पुलकित बनाउँछ
न तिमी गौरवान्वित नै बन्छौं
तैपनि किन हौसिन्छु म
किन तिम्रा कल्पनाका सिमलका भूवालाई
हावा बनि उडाइरहेछु म
आउ बरू यसो गरौं
आकाशमा मडारिएका काला बादलहरूबाट
कालो रङ्ग निकालौं
अनि ब्लाक कफिको रङ्गलाई
अझै गाढा बनाऔं ।।।